FOYDALI QAZILMALARDAN OQILONA FOYDALANISH: BARQAROR RIVOJLANISHNING MUHIM OMILI

Foydali qazilmalar insoniyat taraqqiyoti va iqtisodiy rivojlanishining asosiy tabiiy resurslaridan biri hisoblanadi. Sanoat, energetika, qurilish, transport va qishloq xo‘jaligi tarmoqlarining rivojlanishi ko‘p jihatdan mineral xomashyo resurslaridan  foydalanish darajasiga bog‘liq. Aholi sonining ortishi, urbanizatsiya jarayonlarining jadallashuvi hamda global iqtisodiyotning kengayishi foydali qazilmalarga bo‘lgan talabning yil sayin oshishiga sabab bo‘lmoqda.