Mazkur maqolada qayta tiklanadigan energiya obyektlari uchun hududiy moslikni baholashda sun’iy intellekt va geografik axborot tizimlari (GIS) integratsiyasining qiyosiy samaradorligi tadqiq etilgan. Tadqiqot doirasida meteorologik, topografik, geofizik hamda infratuzilmaviy omillarni o‘z ichiga olgan ko‘p qatlamli geofazoviy ma’lumotlar bazasi shakllantirildi. Hududlarni baholashda an’anaviy GIS asosidagi ko‘p mezonli qaror qabul qilish (MCDM) yondashuvi hamda mashinaviy o‘qitish algoritmlari — Random Forest va XGBoost modellari qo‘llanildi. Natijalar shuni ko‘rsatdiki, sun’iy intellekt asosidagi model tahlil tezligi, bashorat aniqligi (R² > 0.90) va xatolik darajasi (MAE < 3%) bo‘yicha an’anaviy metodlarga nisbatan sezilarli ustunlikka ega. Modelning tasniflash qobiliyati ROC-egri chizig‘i orqali baholanib, AUC ko‘rsatkichi 0.99 ni tashkil etdi. Taklif etilgan metodologiya hududiy rejalashtirish jarayonini optimallashtirish, investitsion risklarni kamaytirish va “aqlli” energetika tizimlarini shakllantirish uchun ilmiy asos bo‘lib xizmat qiladi.
Publication Date: 2026-06-21