Ushbu maqolada davlat ishtirokidagi korxonalarda (DIK) raqamli transformatsiyaning investitsiya
samaradorligiga ta’siri nazariy va empirik jihatdan o‘rganiladi. Tadqiqot natijasi sifatida raqamli transformatsiyaning haddan
ortiq investitsiya (overinvestment) hamda yetarli darajada investitsiya qilmaslik (underinvestment) muammolariga ta’sirini
izohlash uchun konseptual model va bir nechta gipotezalar ishlab chiqildi. Ushbu gipotezalarni tekshirish maqsadida panel
ma’lumotlarga asoslangan ikki tomonlama qat’iy ta’sirlar (two-way fixed effects) regressiya modeli taklif etiladi. Xalqaro
empirik tadqiqotlar — xususan, Xitoy, Yevropa va Markaziy Osiyo mamlakatlari bo‘yicha 2012–2024-yillar oralig‘idagi
ma’lumotlar — tahlil qilinib, raqamli transformatsiya indeksining investitsiya samaradorligiga statistik jihatdan sezilarli ijobiy
ta’sir ko‘rsatishi aniqlandi. Axborot assimetriyasini kamaytirish, moliyaviy cheklovlarni yumshatish va agentlik xarajatlarini
qisqartirish raqamli transformatsiya ta’sirining uchta asosiy kanali sifatida belgilandi. O‘zbekiston uchun qiyosiy tahlil va
siyosat tavsiyalari ham keltirilgan.
Publication Date: 2026-06-01