TALABA-USTOZ-MUHIT UCHLIGI ASOSIDA BOSHLANG'ICH TA'LIM MODELINI ISHLAB CHIQISH

Mazkur maqolada bo‘lajak boshlang‘ich sinf o‘qituvchilarini tayyorlash jarayonini takomillashtirish masalalari tahlil qilinadi. Zamonaviy ta’lim tizimida pedagog kadrlarni tayyorlash sifatini oshirish, ularning kasbiy kompetentligini rivojlantirish hamda amaliy faoliyatga tayyorligini ta’minlash ustuvor vazifalardan biri hisoblanadi. Tadqiqotda talaba, ustoz va ta’lim muhiti o‘rtasidagi o‘zaro integratsiyalashgan munosabatlarga asoslangan yangi pedagogik model taklif etiladi.