BOSHLANG'ICH TA'LIMDA STEAM YONDASHUVI ASOSIDA ONA TILI FANINI O'QITISH

Mazkur maqolada boshlang‘ich ta’limda STEAM yondashuvi asosida ona tili fanini o‘qitishning pedagogik imkoniyatlari tahlil qilingan. Zamonaviy ta’lim jarayonida o‘quvchilarning funksional savodxonligi, kreativ fikrlashi, kommunikativ va nutqiy kompetensiyalarini rivojlantirish muhim vazifalardan biri hisoblanadi. Shu nuqtayi nazardan, fanlararo integratsiyaga asoslangan STEAM yondashuvini ona tili ta’limiga tatbiq etishning nazariy va amaliy jihatlari o‘rganildi. Tadqiqot davomida pedagogik kuzatish, tajriba-sinov ishlari, so‘rovnoma va statistik tahlil metodlaridan foydalanildi.