ZAMONAVIY VOLEYBOLDA SUN'IY INTELLEKT VA MA'LUMOTLAR TAHLILINING SPORT NATIJADORLIGIGA TA'SIRI

Ushbu maqolada zamonaviy voleybolda sun’iy intellekt va ma’lumotlar tahlili (data analytics) texnologiyalarining sport natijadorligiga ta’siri o‘rganilgan. Tadqiqotda videoanalitika, mashinaviy o‘qitish algoritmlari va katta ma’lumotlar (Big Data) asosida sportchilarning texnik-taktik harakatlarini tahlil qilish, o‘yin strategiyasini optimallashtirish hamda musobaqa natijalarini prognozlash imkoniyatlari yoritilgan. Shuningdek, sun’iy intellekt tizimlarining murabbiylik qarorlarini qo‘llab-quvvatlash, individual mashg‘ulot dasturlarini ishlab chiqish va jarohatlanish xavfini kamaytirishdagi roli tahlil qilingan. Tadqiqot natijalari shuni ko‘rsatadiki, raqamli tahlil va sun’iy intellektdan samarali foydalanish voleybol jamoalarining umumiy sport natijadorligini sezilarli darajada oshiradi hamda zamonaviy sport boshqaruvida muhim innovatsion vosita hisoblanadi.