ИСЛОМ ҚАДРИЯТЛАРИ ВА МАЪРИФАТНИНГ ҲОЗИРГИ ДАВРИДАГИ АҲАМИЯТИ

Мазкур илмий мақолада ислом қадриятлари тизими —тавҳид, илм, адолат, оила, раҳмат, меҳнат ва сабр каби асосий тушунчалар кенг тадқиқ этилади. Шунингдек, ислом цивилизацияси тарихида маърифат ва илм- фаннинг ривожига ислом динининг кўрсатган таъсири, ўрта аср ислом олтин даврининг буюк мутафаккирлари, уларнинг жаҳон цивилизациясига қўшган ҳиссаси батафсил ёритилади. Мақоланинг асосий мақсади — ислом қадриятлари ва маърифат анъанасининг ҳозирги глобал ижтимоий, маданий, иқтисодий ва маънавий муаммоларни ҳал этишдаги ўрни ва имкониятларини очиб беришдан иборат. Тадқиқот учламчи манба — классик ислом матнлари, тарихий далиллар ва замонавий академик адабиётларга таянади.