Mazkur maqolada regbi mashg‘ulotlari jarayonida talabalarning tezkor-kuch sifatlarini rivojlantirishning
differensial metodikasi ilmiy-pedagogik jihatdan tahlil qilingan. Tadqiqotning maqsadi regbi bilan shug‘ullanuvchi talabalarning
individual jismoniy imkoniyatlarini hisobga olgan holda tezkor-kuch sifatlarini rivojlantirishning samarali metodikasini
ishlab chiqish va uning samaradorligini aniqlashdan iborat. Tadqiqotda pedagogik kuzatuv, test sinovlari, pedagogik
tajriba hamda matematik-statistik tahlil metodlaridan foydalanilgan. Tadqiqot natijalari differensial yondashuv
asosida tashkil etilgan mashg‘ulotlar talabalarning tezlik, sakrovchanlik, portlovchi kuch va umumiy jismoniy tayyorgarlik
ko‘rsatkichlarini sezilarli darajada yaxshilashini ko‘rsatdi. Xulosa sifatida regbi mashg‘ulotlarida differensial metodikani
qo‘llash sportchilarning jismoniy tayyorgarligini optimallashtirish va mashg‘ulotlar samaradorligini oshirishga xizmat qilishi
aniqlandi.
Publication Date: 2026-06-12