Mazkur maqolada dual ta’lim tizimida raqamli egizaklar (Digital Twins), virtual reallik (VR) va kengaytirilgan reallik (AR) texnologiyalarining qo‘llanilishi Germaniya, AQSh va Janubiy Koreya tajribasi asosida tahlil qilingan. Siemens va BMW kompaniyalarining raqamli egizak asosidagi amaliyot laboratoriyalari, AQShdagi harbiy-sanoat dual ta’lim dasturlarida VR simulyatorlarining samaradorligi hamda Janubiy Koreyaning “AI-Dual” loyihasidagi AR yordamida masofaviy amaliyot tashkil etish modellarining texnik, pedagogik va iqtisodiy jihatlari o‘rganilgan. Tadqiqotda immersiv muhitlarda o‘quv jarayoni samaradorligini baholovchi matematik model (Kolmogorov-Smirnov asosidagi kompetensiyalarni solishtirish mezoni) taklif qilingan. Natijalar VR/AR texnologiyalari xavfli yoki qimmatbaho ishlab chiqarish jarayonlarini xavfsiz o‘zlashtirish, amaliy ko‘nikmalarni 30–40% tezroq shakllantirish hamda moddiy xarajatlarni sezilarli kamaytirish imkonini berishini ko‘rsatadi. O‘zbekiston sharoiti uchun “Virtual ishlab chiqarish laboratoriyasi” milliy platformasi konsepsiyasi va uni dual ta’limga integratsiya qilish bosqichlari taklif etilgan.
Publication Date: 2026-06-19