Mazkur tezisda tijorat banklarida ipoteka kreditlari samaradorligini oshirish, kredit portfeli sifatini yaxshilash hamda muammoli kreditlarning yuzaga kelishiga sabab bo‘luvchi omillar tahlil qilinadi. Ipoteka kreditlari aholining uy-joyga bo‘lgan ehtiyojini qondirish, qurilish sohasi va ko‘chmas mulk bozorini rivojlantirishda muhim moliyaviy vosita hisoblanadi. Shu bilan birga, ushbu kreditlar uzoq muddatga ajratilishi, katta miqdordagi moliyaviy mablag‘larni talab qilishi va qarz oluvchining daromadlariga bevosita bog‘liqligi sababli banklar uchun yuqori kredit riskini yuzaga keltiradi.
Tezisda qarz oluvchilarning to‘lov qobiliyatini to‘g‘ri baholamaslik, daromadlarning beqarorligi, foiz stavkalarining o‘zgarishi, uy-joy narxlarining oshishi, garov mulkining noto‘g‘ri baholanishi va kredit monitoringining yetarli darajada tashkil etilmasligi muammoli ipoteka kreditlarining asosiy sabablari sifatida ko‘rib chiqiladi. Shuningdek, kredit skoring tizimini takomillashtirish, qarz yukini hisoblash, garov mulkini mustaqil baholash, kredit oluvchilarni sug‘urtalash, erta ogohlantirish tizimlarini joriy etish va kreditlar ustidan doimiy monitoring olib borish yo‘nalishlari yoritiladi.
Publication Date: 2026-06-18