Mazkur maqolada ingliz tilidagi veb-sayt kontentini o‘zbek tiliga mahalliylashtirish jarayonida yuzaga keladigan lingvistik va madaniy muammolar tahlil qilinadi. Global axborot makonining kengayishi va raqamli texnologiyalarning jadal rivojlanishi natijasida veb-saytlarni turli tillarga moslashtirish zarurati ortib bormoqda. Shu nuqtayi nazardan, lokalizatsiya nafaqat matnni bir tildan ikkinchi tilga tarjima qilish, balki uni maqsadli auditoriyaning madaniy, ijtimoiy va kommunikativ xususiyatlariga moslashtirish jarayoni sifatida talqin etiladi. Tadqiqotda veb-kontent tarjimasida uchraydigan leksik, grammatik, pragmatik va lingvokulturologik muammolar ilmiy jihatdan yoritilgan. Shuningdek, ingliz va o‘zbek tillarining strukturaviy hamda madaniy tafovutlari lokalizatsiya sifatiga qanday ta’sir ko‘rsatishi misollar orqali tahlil qilingan. Tadqiqot natijalari veb-sayt tarjimasi bilan shug‘ullanuvchi mutaxassislar hamda tarjimashunoslik yo‘nalishidagi tadqiqotchilar uchun amaliy ahamiyatga ega.
Publication Date: 2026-06-13